GEDAGTES

`n Versameling Woorde

PLAASHEK (Uys Krige) Na al die jare maak ek weer `n plaashek oop Waar het my paaie Tog nie geloop Om my hier by `n hek te bring Van al my waan gestroop Maar met my denke helder En in my hart die hoop Die stilte in my's volkome met Niks troebels, niks verward Ek lig die knip........ek maak `n hek oop in my hart

ONTMOETING (Stef Bos) Mens moet van twee kante kom om mekaar te ontmoet. Jy moet eintlik toevallig onderweg wees, jy moet geen doel voor oë hê en jy moet laat gebeur waarvoor jy bang is.

DONKERMAAN/DONKERHAND (Breyten Breytenbach) tussen die lyne loop ‘n gedig: ek kan haar gesig nie uitmaak nie maar voel haar beweeg tussen riete van die nag net buite die vermoëns van my hand spartelend soos in ‘n droom ek wil haar lê maak, lyfskrywe: “kom praat met my my kooi-ooitjie, ek sal jou rym en ritme gee, mooi stanzas vir jou messel, reëls uitdink die een na die ná die ander sodat jy vry kan sing en sonspring- laat my lippe die vog van lig aan jou snyfie drink” sy sink weg soos ‘n maan in die dagwoord van die hemel en ek trek die swart strepe en koue vorms van haar afwesigheid: die gewig van honderd en vyftien woorde

NAAND SÊ VIR DIE SEE (Henk Rall) en gaan, en soos dit hoort, gaan naand sê vir die see sonder die swaar sake van die dag, sonder onthou van stillewes met wyn en klou- en skulpgoed uit die see, sonder, hoegenaamd, die aanhangsels van dink net gaan en met `n skoon hart gaan naand sê vir die see

Botweb